【港版國安法】《蘋果》行政助理被警困後樓梯逾3小時：我唔係犯點解咁對我？ - 香港蘋果日報

kobloggko.blogspot.com

警方搜查《蘋果》大樓期間，大批警員在各樓層出入口把守，在大樓上班的行政助理周小姐投訴，自己被警員阻止返回座位，結果被困在後樓梯逾3小時，只能坐在梯級看直播。她批評警方無理剝奪人身自由，「我哋唔係犯，點解會咁對待我哋？」她事後與其他同事討論，認為警員有差別待遇，2樓編採職員可在樓層內走動，位於3、4樓的行政、後勤員工則不能離開坐位。

周小姐指，周一早上返回公司處理基本事務後，去5樓員工餐廳吃早餐。其後她收到消息警方直入《蘋果》大樓，她經餐廳後門搭電梯回到2樓，當拍卡推開後樓梯大門時，見到一男一女警員駐守通道，警員質問「你嚟做乜？」周小姐解釋：「我喺二樓返工，而家返埋個位。」警員立即喝止：「差人做嘢，唔准入。」

周小姐在後樓梯逗留30分鐘後，嘗試經後樓梯去4樓拍卡開門，但4樓出入口同樣有警員駐守，亦是拒絕放行。周小姐指，由早上10時獨自在後樓梯呆等到中午1時許，「我一路都有啲怯，因為無人。」同事建議她走上5樓餐廳試試，她拍卡推開5樓大門，有5位警員駐守，但就沒有阻止她進入餐廳。午飯後，周小姐與一班同事一起搭電梯返回2樓工作，今次終於沒被阻止。

警方在周一曾解釋，因為要押被捕人返辦公室，不希望有人拍照影響辦案或對當事人不利，故一度設立封鎖線，亦強調不希望影響傳媒運作，故派出多名警員務求盡快完成蒐證。

周小姐認為警方不必要限制公司職員人身自由，「我同佢嘈都係無意思，當時得我一個，人我又唔夠你多。」她重申，自己並非被捕人士，認為警方封鎖行動令員工飽受虛驚，「到放工嗰一刻，我返到屋企覺得自己好累，未試過咁累。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android